BASTORI

Biar Sapa Lai Laki-Laki Ini Jua, Tikang Mantan Cewe di Pasar Mardika Tagal Cemburu

ilustrasi

AMBON,SERAMBIMALUKU.com- IL laki-laki asal negeri Tulehu, Kecamatan Salahutu, Kabupaten Maluku Tengah dapa lapor ka polisi tagal tusu dia pung mantan cewe SR deng piso dar tulang balakang sampe luka pono dara.

Kajadiang itu terjadi saat SR lagi bajalang baku bawa deng dia pung tunangan PR di Pasar Mardika dua hari lalu.

Mangkali tagal cemburu, IL yang dapa lia dong dua bajalang langsung iko dar balakang la tusu korban deng piso. Abis tusu korban, laki-laki langsung bajalang lari.

Informasi yang Serambi Maluku.com dapat, Jumat (2/2/2018), waktu asek bajalang, korban dapa lia pelaku di pasar
Mardika, saat itu dia deng PR langsung bajalang basambunyi. Tapi ternyata IL su dap alia dong dua kamuka.

Baca Juga:Mabo Nai Otak, Karim Torana Arman Wally Sampe Kumur-Kumur Darah

Baca Juga: Baku Malawang di Kudamati, Sopir Oto Torana Tamang Pake Linggis di Mardika

Saat itu korban deng dia pung tunangan bajalang menuju lantai dua Gedung Putih. Tapi soe apa, pelaku yang su dap alia dong dua tarus iko dar balakang dan langsung cabu piso lalu tusu akang cewe tu dar balakang.

“Jadi pelaku ini sudah membuntuti korban dan pacarnya itu dari belakang. Pelaku sendiri adalah mantan kekasih korban,”kata sumber itu, Jumat (2/2/2018).

Sumber itu bilang, abis tikang korban, pelaku langsung lari. Kajadiang itu akang sampat biking honge di Gedung Putih, saat itu jua ana-ana muda di gedung itu sampat iko pelaku tapi seng dapa dia.

“Setelah menusuk korban, pelaku langsung kabur, dugaan sementara ini karena semburu,”ujar sumber itu.

Baca Juga:Asek Dengar Lagu di HP, Tahalele Dapa Cucu deng Piso Tali Poro Kaluar

Baca Juga: Bini Mangaku Tidor Deng Tamang di Hotel, Laki Seng Ambe Bae Masalah di Polisi

Abis kajadiang itu, PR yang seng tarima dia pung tunangan dapa tusu deng piso langsung datang ka kantor polisi untuk lapor pelaku. Dari informasi yang didapat, saat ini polisi masih iko pelaku par minta dia pung pertanggung jawaban.

Tagal pelaku pung karja nekat tu, dia dapa bisa dapa ancam deng pasal 35 KUHpidana tentang penganiayaan deng ancaman hukuman 5 taong bui. (SMI)

Click to comment

BERITA POPULER

To Top