BASTORI

Tagal Kepeng Rp 5.000, La Jamal Caka Bini Sampe Ana Lida Mo Kaluar, Lalu Tikang Deng Piso

ilustrasi kekerasan

AMBON,SERAMBIMALUKU-Hanya tagal masalah mongo-mongo, Luki Hasan alias La Jamal, warga Batu Merah Dalam, Kecamatan Sirimau Ambon labrak dia pung bini Wa Ode Nuraini seng pake ampong.

Seng hanya tampeleng dar dalam muka, La Jamal yang takiri-kiri seng masuk akal juga caka dia pung bini sampe ana gargantang amper kaluar. Abis itu dia ambe piso lalu tikang Nuraini di bagian pipi kanan.

Kajadiang ini terjadi par Hari Minggu (31/8/2017) kamring di dia pung dalam rumah. Waktu itu La Jamal pulang karja dar pelabuhan, dia lalu taru kepeng Rp 10.000 diatas meja lalu dia pung bini minta Rp 5.000.

“Korban meminta uang Rp 5.000 yang ditaruh suaminya itu di meja namun suaminya tidak mau memberikannya, dan korban tidak mempermasalahkan,”kata Paur Subbag Humas Polres Pulau Ambon, Iptu Nikolas Anakotta kepada waratwan, Rabu (28/2017).

Anakotta bilang karna seng dapa kasih kepeng, korban lalu kaluar kastinggal pelaku di dalam rumah. Tapi tartau tagal apa, La Jamal lalu kaluar cari dia pung bini dan dong dua baku dapa di sekitar dong pung rumah.

“Saat ketemu istinya, pelaku yang marah langsung menampar wajah korban sebanyak tiga kali,”ujarnya.

Abis tampar dia pung bini, paitua yang masih kapanasang lalu tarek dia pung bini ka dalam rumah, waktu itu pelaku langsung caka dia pung bini pung batang leher. Abis itu dia ambe piso lalu tikam korban pung pipi.

“Jadi selelah mencekik leher korban, pelaku mengambil piasau dan menusuk dibagian pipi kiri,”ujarnya.

Tagal dapa labrak seng tahu jalang pulang, Nuraini pung pipi luka, deng batang leher memar. Dia langsung pigi ka kantor Polres Pulau Ambon par lapor dia pung laki pung kalakuang.

“Dari hasil pemeriksaan pelaku mengakui seluruh perbuatannya, saat ini yang bersangkutan sudah kita amankan,”katanya. (SMN)

Click to comment

BERITA POPULER

To Top