BASTORI

Kurung ‘Paranggang Nai-Nai Badang’ di Kamar Kos, RH Dapa Lapor ka Polisi

ilustrasi

AMBON,SERAMBIMALUKU.com-RH, ana Lorong Permi, Kecamatan Nusaniwe dapa lapor ka polisi tagal su pi kurung orang pung ana parampuang paranggang nai-nai badang, MT di dia pung kamar kos di Waihaong.

Dar informasi yang didapat, kajadiang ini akang pung ujung pohong waktu RH baku janji deng MT. Setelah bakudapa dong dua lalu pi nginap di kamar kos sampe pagi hari. Saat itu korban pung mama yang hawater langsung bajalang cari koliling mar tar dapa korban.

Baca Juga: Polisi Loko Tukang Pancuri Motor, Lima Orang Masih ‘Baingos’

Saat MT pulang, korban pung mama langsung tanya ulang paleo sampe akang ana mangaku kalo dia su tidor deng dia pung paitua RH satu malam. Tagal seng tarima, korban pung mama lalu datang lapor RH ka polisi, Senin (15/1/2018).

“Setelah diinterogasi, korban yang baru berusia 16 tahun itu mengaku kepada ibunya kalau dia telah ditiduri RH kekasihnya,”kata salah seornag sumber terpercaya, Selasa (16/1/2018).

Baca Juga:Asek Dengar Lagu di HP, Tahalele Dapa Cucu deng Piso Tali Poro Kaluar

Sumber itu bilang, kalau RH tidor deng MT par tanggal 12 Januari pekan kamaring. Biar suka sama suka mar, perbuatan RH dinilai melanggar hukum, tagal dia pung cewe masih anak dibawa umur,”Tetap diproses hukum karena korban kan masih dibawa umur,”ujar sumber itu.

Saat ini polisi masih cari tahu kasus ini. Polisi pung rencana dong akang panggel RH par minta dia pung keterangan. Kalau nanti salah maka RH akang dapa jerat deng undang-undang nomor 35 taong 2004 tentang perlindungan anak dibawa umur.

Kasat Reskrim Polres Ambon AKP Teddy yang dikonfirmasi wartawan mangaku kalau kasus itu memang dong ada lapor akang ka polisi. Saat ini antua bilang kasus itu sementara dong tindaklanuti akang. (SMH)

Click to comment

BERITA TERKINI

To Top