BASTORI

Polisi Loko Bawa ka Polres, 4 Pamabo Dapa Farmak Lari Ron Lapangan Sampe Soak

Ampa orang pelaku yang dapa loko dar polisi dapa suru lari pontar lapangan Polres Ambon, Jumat (19/1/2018)

AMBON,SERAMBIMALUKU.com-Ampa orang pamabo yang lagi talang sopi di samping tampa bajual daging seng jau dar Pasar Mardika dapa loko dar polisi, Jumat (19/1/2018).

Dong ampa dapa loko saat polisi ada patroli penertiban di daerah Mardika. Kegiatan patroli itu sandiri su sering polisi biking par jaga situasi kemanan tetap bae di masyarakat. Setelah dapa loko dong ampa orang pamabo ni lalu dapa bawa ka kantor polisi di Parigi Lima.

Setelah dapa interogasi, dong ampa orang yang su jamang ni langsung dapa suru lari pontar akang lapangan di Polres sampe soak deng badang-badang basuet.

Baca Juga: Kalakuang Parsis Postema Racong, Darah Putih Nai Otak, Nexon Todong Ade Ipar deng Piso Lalu Perkosa

Pantauan di lapangan, seng pake satu dua tiga, saat dapa parenta dong ampa langsung lari ron lapangan deng semangat apa pele dimuka putus. Satu sampe tiga ron dong lari masi laju, tapi abis itu dong su mulai hosa mo putus nafas.

Dong ampa akhirnya minta ampong setelah dong pung ana ana lida su mo keluar seng nafas su di ujung idong. Dong lalu barenti lari sebelum dapa suru stop dar polisi.

Brigpol F yang ditemui bilang kalu hukuman untuk ampa orang pamabo itu atas parenta dar pimpinan.

“Katong tangkap dong di sekitar tampa jual daging di Mardika saat ada mabo, jadi dong dapa hukum ni atas perintah atasan, ” kata dia.

Baca Juga: Tagal Mo Bakupolo deng Kawe-kawe, Brian Toma Gas Praaak Pohong Akasia Tarubu

Polisi berpangkat tiga ekor kuning itu bilang hukuman yang diberikan itu supaya dong ampa deng pamabo laeng bisa tobat deng seng bolah ulang perbuatan mabo itu lai.

“Hukuman ini agar ada efek jera, biar seng ulang lai, “sebutnya.

Polisi di Ambon selama ini memang setiap saat salalu razia orang-orang pamabo yang kadang bking baribot. Seng hanya itu polisi di Ambon jua setiap saat razia sopi dimana-mana mulai dari pelabuham, dermaga sampe tampa-tampa jual sopi.

Polisi paleng kancang berantas sopi tagal akang barang ni yang salalu jadi sumber masalah orang bakalae deng biking kajahatang di masyarakat. (SMD)

Click to comment

BERITA TERKINI

To Top